സിഡ്നി തണ്ടറുമായി നടന്ന മത്സരത്തിനിടെ താൻ പറത്തിയ സിക്സ് മൂലം പരിക്കേറ്റ മത്സരം വീക്ഷിക്കാനെത്തിയ കുട്ടിയ്ക്ക് തന്റെ ഗ്ലൗസ് ഗിഫ്റ്റായി നൽകി ഹൊബാർട്ട് ഹറികെയിൻസ് ബാറ്റ്സ്മാൻ ജോർജ്ജ് ബെയ്ലി . മത്സരത്തിൽ ഗുരിന്ദർ സന്ധുവെറിഞ്ഞ പതിനേഴാം ഓവറിലെ മൂന്നാം പന്തിലാണ് സംഭവം അരങ്ങേറിയത്. ലോങ് ഓണിലേക്ക് ബെയ്ലി പറത്തിയ പന്ത് മത്സരം വീക്ഷിക്കാനെത്തിയ കുട്ടിയുടെമേൽ പതിക്കുകയായിരുന്നു . ഉടനെ ആശങ്ക പ്രകടപ്പിച്ച കളിക്കാർ മത്സരം നിർത്തിവെയ്ക്കുകയും കുട്ടിയുടെ അരികിലേക്ക് ടീം ഡോക്ടർ എത്തുകയും പരിശോധിക്കുകയും ചെയ്തു . മത്സരത്തിനിടെ തന്നെ സിഡ്നി തണ്ടർ താരം ഡാനിയേൽ സാംസ് തന്റെ ക്യാപിൽ ഓട്ടോഗ്രാഫ് നൽകി കുട്ടിയ്ക്ക് സമ്മാനിച്ചിരുന്നു . ഇതിനുപുറകെയാണ് മത്സരശേഷം തന്റെ ബാറ്റിങ് ഗ്ലൗസ് കുട്ടിയ്ക്ക് നൽകിയത് .
https://twitter.com/BBL/status/1094163278484320256?s=19
മത്സരത്തിൽ 35 പന്തിൽ 53 റൺസ് നേടി മികച്ച പ്രകടനം ബെയ്ലി കാഴ്ച്ചവെച്ചുവെങ്കിലും ടീമിന് വിജയം നേടിക്കൊടുക്കാൻ സാധിച്ചില്ല .മഴമൂലം 19 ഓവറാക്കി ചുരുക്കിയ മത്സരത്തിൽ നാല് വിക്കറ്റിന്റെ വിജയം സിഡ്നി തണ്ടർ സ്വന്തമാക്കി . നാലോവറിൽ 28 റൺസ് മാത്രം വഴങ്ങി രണ്ട് വിക്കറ്റ് വീഴ്ത്തിയ പാറ്റ് കമ്മിൻസാണ് മാൻ ഓഫ് ദി മാച്ച്.