ഇന്ത്യൻ പ്രീമിയർ ലീഗ് പന്ത്രണ്ടാം സീസണിന് ദിവസങ്ങൾ മാത്രം ശേഷിക്കെ മുംബൈ ഇന്ത്യൻസ് ആരാധകർക്ക് സന്തോഷവാർത്ത. ആരാധകരുടെ ആശങ്കകൾക്ക്‌ വിരാമമിട്ട് ഓൾ റൗണ്ടർ ഹർദിക് പാണ്ഡ്യ ടീമിനൊപ്പം പരിശീലനം ആരംഭിച്ചു . പരിക്കിനെ തുടർന്ന് ഓസ്‌ട്രേലിയക്കെതിരായ ട്വന്റി20 പരമ്പരയിൽ നിന്നും ഏകദിന പരമ്പരയിൽ നിന്നും ഒഴിവാക്കിയ പാണ്ഡ്യയ്ക്ക് ഐ പി എല്ലും നഷ്ട്ടമായേക്കാമെന്ന് നേരത്തെ റിപ്പോർട്ടുകൾ വന്നിരുന്നു . രവീന്ദ്ര ജഡേജയാണ് ഹർദിക് പാണ്ഡ്യയ്ക്ക് പകരക്കാരനായി ടീമിലെത്തിയത് . ടീമിലെ സഹതാരവും സഹോദരനും കൂടിയായ ക്രൂനാൽ പാണ്ഡ്യയ്ക്കൊപ്പമാണ് മുംബൈ ഇന്ത്യൻസിന്റെ ട്രെയിനിങ് ക്യാമ്പിൽ പരിശീലനത്തിനായി ഹർദിക് പാണ്ഡ്യയെത്തിയത് .
പാണ്ഡ്യ സഹോദരന്മാർക്ക് പുറമെ ജയന്ത് യാദവ്, ലെഗ് സ്പിന്നർ രാഹുൽ ചഹാർ, ഫാസ്റ്റ് ബൗളർ ബരീന്ദർ സ്രാൻ, വിക്കറ്റ് കീപ്പർ ഇഷാൻ കിഷൻ എന്നിവരും ട്രെയിനിങ് ക്യാമ്പിൽ ഉണ്ടായിരുന്നു .
ഇന്ത്യൻ വൈസ് ക്യാപ്റ്റൻ രോഹിത് ശർമ്മ മുംബൈ ഇന്ത്യൻസിന്റെ ആദ്യ മത്സരം മാർച്ച് 24 ന് ഡൽഹി ക്യാപിറ്റൽസിനെതിരെയാണ് . വാങ്കഡെ സ്റ്റേഡിയത്തിലാണ് മത്സരം .