ഓസ്ട്രേലിയക്കെതിരായ ടി20 പരമ്പരയിലെ മൂന്നാം മത്സരത്തിൽ വമ്പൻ സ്കോർ നേടി ഇന്ത്യ. ഓപ്പണർ റിതുരാജ് ഗയ്ക്ക്വാദിൻ്റെ സെഞ്ചുറി മികവിലാണ് വമ്പൻ സ്കോർ ഇന്ത്യ കുറിച്ചത്.
വെറും 52 പന്തിൽ നിന്നുമാണ് ഗയ്ക്ക്വാദ് സെഞ്ചുറി നേടിയത്. മത്സരത്തിൽ 57 പന്തിൽ 13 ഫോറും 7 സിക്സും ഉൾപ്പടെ 123 റൺസ് ഗയ്ക്ക്വാദ് അടിച്ചുകൂട്ടി.
താരത്തിൻ്റെ മികവിൽ നിശ്ചിത 20 ഓവറിൽ 3 വിക്കറ്റ് നഷ്ടത്തിൽ 222 റൺസ് ഇന്ത്യ നേടി. സൂര്യകുമാർ യാദവ് 29 പന്തിൽ 39 റൺസ് നേടിയപ്പോൾ തിലക് വർമ്മ 24 പന്തിൽ 31 റൺസ് നേടി. പരമ്പരയിൽ ഇത് തുടർച്ചയായ മൂന്നാം തവണയാണ് ഇന്ത്യ 200 ൽ കൂടുതൽ റൺസ് നേടുന്നത്. പരമ്പരയിലെ ആദ്യ രണ്ട് മത്സരങ്ങളിൽ ഇന്ത്യ വിജയിക്കുകയും ചെയ്തിരുന്നു.
നാലോവറിൽ 12 റൺസ് വഴങ്ങി ഒരു വിക്കറ്റ് നേടിയ ജേസൺ ബെഹ്റൻഡോർഫ് മാത്രമാണ് ഓസ്ട്രേലിയൻ ബൗളർമാരിൽ തിളങ്ങിയത്.