CricKerala
Crickerala is a malayalam cricket news website. Malayalam cricket news, cricket news in malayalam

ചെന്നൈ സൂപ്പർ കിങ്സിനെതിരായ മികച്ച പ്രകടനം, അപൂർവ്വ നേട്ടത്തിൽ രോഹിത് ശർമ്മയ്ക്കും വാർണർക്കുമൊപ്പമെത്തി ശിഖാർ ധവാൻ

മികച്ച പ്രകടനമാണ് ചെന്നൈ സൂപ്പർ കിങ്സിനെതിരായ മത്സരത്തിൽ പഞ്ചാബ് കിങ്സ് ഓപ്പണർ ശിഖാർ ധവാൻ കാഴ്ച്ചവെച്ചത്. മത്സരത്തിലെ ഈ പ്രകടനത്തോടെ ഐ പി എല്ലിൽ അപൂർവ്വ റെക്കോർഡ് കുറിച്ചിരിക്കുകയാണ് ശിഖാർ ധവാൻ. മുംബൈ ഇന്ത്യൻസ് ക്യാപ്റ്റൻ രോഹിത് ശർമ്മയും ഡേവിഡ് വാർണറുമാണ് ഇതിനുമുൻപ് ഈ നേട്ടം സ്വന്തമാക്കിയിട്ടുള്ളത്.

( Picture Source : BCCI )

ഐ പി എല്ലിലെ തൻ്റെ 46 ആം ഫിഫ്റ്റി നേടിയ ധവാൻ 59 പന്തിൽ 9 ഫോറും 2 സിക്സുമടക്കം 88 റൺസ് നേടി പുറത്താകാതെ നിന്നു.

മത്സരത്തിലെ ഈ പ്രകടനത്തോടെ ഐ പി എല്ലിൽ ചെന്നൈ സൂപ്പർ കിങ്സിനെതിരെ 1000 റൺസ് ധവാൻ പൂർത്തിയാക്കി. ചെന്നൈ സൂപ്പർ കിങ്സിനെതിരെ 1000 റൺസ് നേടുന്ന ആദ്യ ബാറ്റ്സ്മാൻ കൂടിയാണ് ധവാൻ. ഇതോടെ ഐ പി എല്ലിൽ ഒരു ടീമിനെതിരെ 1000 + റൺസ് നേടുന്ന മൂന്നാമത്തെ ബാറ്റ്സ്മാനായി ധവാൻ മാറി.

( Picture Source : BCCI )

കൊൽക്കത്ത നൈറ്റ് റൈഡേഴ്സിനെ 1000 റൺസ് നേടിയിട്ടുള്ള മുംബൈ ഇന്ത്യൻസ് ക്യാപ്റ്റൻ രോഹിത് ശർമ്മ, പഞ്ചാബ് കിങ്സിനെതിരെ 1000 റൺസ് നേടിയിട്ടുള്ള ഡേവിഡ് വാർണർ എന്നിവരാണ് ഈ നേട്ടം സ്വന്തമാക്കിയിട്ടുള്ള മറ്റു ബാറ്റ്സ്മാന്മാർ.

( Picture Source : BCCI )

മത്സരത്തിലെ പ്രകടനത്തോടെ ടി20 ക്രിക്കറ്റിൽ 9000 റൺസ് ധവാൻ പൂർത്തിയാക്കി. ടി20 ക്രിക്കറ്റിൽ ഈ നാഴികക്കല്ല് പിന്നിടുന്ന മൂന്നാമത്തെ ഇന്ത്യൻ ബാറ്റ്സ്മാനാണ് ശിഖാർ ധവാൻ. 10,392 റൺസ് നേടിയിട്ടുള്ള വിരാട് കോഹ്ലി, 10,048 റൺസ് നേടിയിട്ടുള്ള രോഹിത് ശർമ്മ എന്നിവരാണ് ധവാന് മുൻപ് ഈ നാഴികക്കല്ല് പിന്നിട്ടിട്ടുള്ള ഇന്ത്യൻ ബാറ്റ്സ്മാന്മാർ.

( Picture Source : BCCI )
Leave a comment