CricKerala
Crickerala is a malayalam cricket news website. Malayalam cricket news, cricket news in malayalam

എറിഞ്ഞത് രണ്ട് മെയ്ഡൻ ഓവറുകൾ, അപൂർവ്വ റെക്കോർഡ് സ്വന്തമാക്കി ഹർഷൽ പട്ടേൽ

തകർപ്പൻ പ്രകടമാണ് കൊൽക്കത്ത നൈറ്റ് റൈഡേഴ്സിനെതിരായ മത്സരത്തിൽ ആർ സീ ബി ബൗളർ ഹർഷൽ പട്ടേൽ കാഴ്ച്ചവെച്ചത്. ഈ തകർപ്പൻ പ്രകടനത്തോടെ ഐ പി എല്ലിൽ അപൂർവ്വറെക്കോർഡ് സ്വന്തമാക്കിയിരിക്കുകയാണ് ഹർഷൽ പട്ടേൽ.

( Picture Source : IPL )

മത്സരത്തിൽ നാലോവറിൽ 11 റൺസ് മാത്രം വഴങ്ങി 2 വിക്കറ്റുകൾ ഹർഷൽ പട്ടേൽ നേടിയിരുന്നു. മത്സരത്തിൽ ഹർഷൽ പട്ടേൽ എറിഞ്ഞ ആദ്യ രണ്ടോവറിലും റൺസൊന്നും നേടുവാൻ കെ കെ ആറിന് സാധിച്ചിരുന്നില്ല. ഇതോടെ ഐ പി എൽ ചരിത്രത്തിൽ രണ്ട് മെയ്ഡൻ ഓവറുകൾ എറിയുന്ന രണ്ടാമത്തെ ബൗളറെന്ന അപൂർവ്വറെക്കോർഡ് ഹർഷൽ പട്ടേൽ സ്വന്തമാക്കി.

ആർ സീ ബി പേസറായ മൊഹമ്മദ് സിറാജാണ് ഐ പി എല്ലിൽ ഇതിനുമുൻപ് രണ്ട് മെയ്ഡൻ ഓവറുകൾ എറിഞ്ഞിട്ടുള്ളത്. 2020 സീസണിൽ കൊൽക്കത്ത നൈറ്റ് റൈഡേഴ്സിനെതിരെ തന്നെയാണ് സിറാജ് ഈ നേട്ടം സ്വന്തമാക്കിയത്.

( Picture Source : IPL )

കഴിഞ്ഞ സീസണിൽ ഏറ്റവും കൂടുതൽ വിക്കറ്റുകൾ നേടി പർപ്പിൾ ക്യാപ് നേടിയത് ഹർഷൽ പട്ടേലായിരുന്നു. 32 വിക്കറ്റ് കഴിഞ്ഞ സീസണിൽ താരം നേടിയിരുന്നു.

( Picture Source : IPL )

മത്സരത്തിൽ ആദ്യം ബാറ്റ് ചെയ്ത കൊൽക്കത്തയ്ക്ക് 128 റൺസ് നേടാൻ മാത്രമാണ് സാധിച്ചത്. 2 വിക്കറ്റ് നേടിയ ഹർഷൽ പട്ടേലിനൊപ്പം നാലോവറിൽ 20 റൺസ് വഴങ്ങി നാല് വിക്കറ്റ് നേടിയ ഹസരങ്കയും മൂന്ന് വിക്കറ്റ് നേടിയ ആകാശ് ദീപുമാണ് കെ കെ ആറിനെ ചുരുക്കികെട്ടിയത്.

( Picture Source : IPL )
Leave a comment