ബാംഗ്ലൂരിനെതിരെ രണ്ടാം മത്സരത്തിൽ ഉജ്ജ്വല വിജയവുമായി കിങ്സ് ഇലവൻ പഞ്ചാബ്. 97 റൺസിന്റെ കൂറ്റൻ വിജയമാണ് നായകൻ രാഹുലിന്റെ സെഞ്ചുറി കരുത്തിൽ പഞ്ചാബ് നേടിയത്. 69 പന്തിൽ നിന്ന് 14 ബൗണ്ടറികളും ഏഴ് സിക്സറുകളും അടങ്ങിയ രാഹുൽ 132 റൺസ് നേടി.
2020 ലെ ഇന്ത്യൻ പ്രീമിയർ ലീഗ് സീസണിലെ ആദ്യ സെഞ്ച്വറി കെഎൽ രാഹുൽ നേടിയത്.
സെഞ്ചുറിയോടെ ഒരു ഇന്ത്യൻ താരത്തിന്റെ ഏറ്റവും ഉയർന്ന വ്യക്തിഗത സ്കോർ രാഹുൽ സ്വന്തമാക്കി. 2018 ൽ 128 റൺസ് നേടിയ റിഷാബ് പന്തിന്റെ പേരിലായിരുന്നു ഈ റെക്കോർഡ്. മത്സരത്തിനൊടുവിൽ രാഹുലിന്റെ 132* ഒരു ടീമെന്ന നിലയിൽ ബാംഗ്ലൂർ നേടിയതിനെക്കാൾ കൂടുതലായിരുന്നു. വിരാട് കോഹ്ലിയും കൂട്ടരും 109 റൺസിന് പുറത്തായി. ഒപ്പം അറുപതാമത്തെ ഇന്നിംഗ്സ് കളിച്ച രാഹുൽ ഐപിഎലിൽ 2000 റൺസിലെത്തിയ ഏറ്റവും വേഗമേറിയ ഇന്ത്യക്കാരനായി.
ആർസിബി ക്യാപ്റ്റൻ വിരാട് കോഹ്ലി രണ്ട് തവണയാണ് രാഹുലിന്റെ ക്യാച്ച് പഴക്കിയത്. പതിനേഴാം ഓവറിലും പിന്നീട് 18 ആം ഓവറിലുമാണ്. പഞ്ചാബിന്റെ പേസര്മാരും സ്പിന്നര്മാരും ഒരു പോലെ മത്സരത്തില് പിടിമുറുക്കിയപ്പോള് ബാംഗ്ലൂർ 109 റണ്സില് ഒതുങ്ങുകയായിരുന്നു റോയല് ചലഞ്ചേഴ്സ് ബാംഗ്ലൂര്. പഞ്ചാബ് നിരയില് യുവ സ്പിന്നര് രവി ബിഷ്ണോയ് മൂന്ന് വിക്കറ്റുമായി മികച്ച് നിന്നു.
https://twitter.com/TheCricketerMag/status/1309160685205585920?s=19