CricKerala
Latest Malayalam Cricket News, Malayalam Cricket News Today, New malayalam Cricket News, Malayalam Sports News Cricket, Indian Criket Malayala News

ഇന്ത്യൻ പ്രീമിയർ ലീഗിന്റെ പതിമൂന്നാം സീസണിലേക്കുള്ള ലേല തീയതി പ്രഖ്യാപിച്ചു

അടുത്ത വർഷം ആരംഭിക്കാനിരിക്കുന്ന ഇന്ത്യൻ പ്രീമിയർ ലീഗിന്റെ പതിമൂന്നാം സീസണിലേക്കുള്ള ലേല തീയതി പ്രഖ്യാപിച്ചു . ഡിസംബർ 19 ന് കൊൽക്കത്തയിൽ വെച്ച് നടക്കും .ഇഎസ്പിഎൻ റിപ്പോർട്ട് പ്രകാരം നിലവിൽ തുറന്നിരിക്കുന്ന ട്രേഡിംഗ് വിൻഡോ നവംബർ 14 ന് അടയ്ക്കും . സാധാരണയായി ഐപിഎൽ ലേലങ്ങൾ നടക്കാറുള്ളത് ബാംഗ്ലൂരിൽ വെച്ചാണ് , എന്നാൽ ഇപ്രാവശ്യം പതിവ് തെറ്റിച്ച് കൊൽക്കത്തയിൽ ലേലം അരങ്ങേറും .

അടുത്ത വർഷം ഫ്രാഞ്ചൈസികൾ പിരിച്ചുവിടുന്നതിനും 2021 മുതൽ ഒരു മെഗാ ലേലത്തിൽ പുതിയ സ്ക്വാഡുകൾ കൂട്ടിച്ചേർക്കുന്നതിനും മുമ്പുള്ള അവസാനത്തെ ചെറിയ ലേലമാണിത് . 5 താരങ്ങളെ മാത്രം നിലനിർത്തി കൊണ്ടുള്ള മെഗാ ലേലമാണ് അടുത്ത വർഷം . 2018 ലാണ് അവസാനമായി ഇത്തരത്തിൽ ലേലം നടന്നത് .

ലേലത്തിൽ ഓരോ ടീമിനും 85 കോടിയാണ് അനുവദിച്ചിട്ടുള്ളത് . കൂടാതെ കഴിഞ്ഞ ലേലത്തിൽ ബാക്കി വന്നത്തിൽ മൂന്ന് കോടിയും ഇതിൽ ഉൾപ്പെടുത്താം .

ഡൽഹിക്കാണ് കഴിഞ്ഞ വർഷത്തെ ഏറ്റവും വലിയ തുക ബാക്കിയുള്ളത് – 8.2 കോടി, രാജസ്ഥാൻ റോയൽസ് – 7.15 കോടി, കൊൽക്കത്ത നൈറ്റ് റൈഡേഴ്സ് (6.05 കോടി), സൺറൈസേഴ്‌സ് ഹൈദരാബാദ് (5.3 കോടി), കിംഗ്സ് ഇലവൻ പഞ്ചാബ് (3.7 കോടി), ചെന്നൈ സൂപ്പർ കിംഗ്സ് ( 3.2 കോടി രൂപ, നിലവിലെ ചാമ്പ്യൻമാരായ മുംബൈ ഇന്ത്യൻസ് (3.05 കോടി രൂപ), റോയൽ ചലഞ്ചേഴ്‌സ് ബാംഗ്ലൂർ (1.8 കോടി രൂപ).

Get real time updates directly on you device, subscribe now.

Leave a Reply