CricKerala
Latest Malayalam Cricket News, Malayalam Cricket News Today, New malayalam Cricket News, Malayalam Sports News Cricket, Indian Criket Malayala News

ഷെയ്ൻ വാട്‌സന്റെ റെക്കോർഡ് പഴങ്കഥയാക്കി അജിങ്ക്യ രഹാനെ

ഡൽഹി ക്യാപിറ്റൽസിനെതിരായ മത്സരത്തിൽ പരാജയപെട്ടുവെങ്കിലും തകർപ്പൻ പ്രകടനമാണ് രാജസ്ഥാൻ റോയൽസിന് വേണ്ടി അജിങ്ക്യ രഹാനെ കാഴ്‌ച്ചവെച്ചത്. ഐ പി എല്ലിലെ തന്റെ രണ്ടാം സെഞ്ചുറി നേടിയ രഹാനെ 63 പന്തിൽ പുറത്താകാതെ 105 റൺസ് നേടി. ഇതോടെ ഐ പി എൽ ചരിത്രത്തിൽ രാജസ്ഥാൻ റോയൽസിന് വേണ്ടി ഏറ്റവും ഉയർന്ന വ്യക്തിഗത സ്കോർ നേടുന്ന ബാറ്റ്‌സ്മാനെന്ന ചരിത്രനേട്ടം രഹാനെ സ്വന്തമാക്കി. 2015 ൽ കൊൽക്കത്ത നൈറ്റ് റൈഡേഴ്‌സിനെതിരെ പുറത്താകാതെ 104 റൺസ് നേടിയ ഷെയ്ൻ വാട്സന്റെ പേരിലായിരുന്നു ഈ റെക്കോർഡ്.

മത്സരത്തോടെ സവായ് മാൻസിങ് ജയ്പൂർ സ്റ്റേഡിയത്തിൽ ഐ പി എൽ സെഞ്ചുറി നേടുന്ന ആദ്യ ബാറ്റ്‌സ്മാനെന്ന നേട്ടവും രഹാനെ സ്വന്തമാക്കി. സൺറൈസേഴ്‌സ് ഹൈദരാബാദിനെതിരെ പുറത്താകാതെ 98 റൺസ് നേടിയ ഷെയ്ൻ വാട്സനായിരുന്നു ഇതിനുമുൻപ് ഈ സ്റ്റേഡിയത്തിൽ ഏറ്റവും ഉയർന്ന ഐ പി എൽ സ്കോർ നേടിയിരുന്നത്.

Loading...
Loading...