വീണ്ടും തകർപ്പൻ സെഞ്ചുറി നേടി വിമർശകർക്ക് മറുപടി നൽകി രാജസ്ഥാൻ റോയൽസിൻ്റെ യുവതാരം റിയാൻ പരാഗ്. ദിയോധർ ട്രോഫിയിലാണ് വീണ്ടും തകർപ്പൻ സെഞ്ചുറി താരം കുറിച്ചത്.
വെസ്റ്റ് സോണിനെതിരായ മത്സരത്തിൽ ഈസ്റ്റ് സോണിന് വേണ്ടിയായിരുന്നു താരത്തിൻ്റെ തകർപ്പൻ സെഞ്ചുറി. 68 പന്തിൽ 6 ഫോറും 5 സിക്സും അടക്കം പുറത്താകാതെ 102 റൺസ് താരം അടിച്ചുകൂട്ടി.
48 പന്തിൽ നിന്നും ഫിഫ്റ്റി പൂർത്തിയാക്കിയ താരം പിന്നീട് നേരിട്ട 20 പന്തിൽ നിന്നുമാണ് 50 ലധികം റൺസ് അടിച്ചുകൂട്ടിയത്. നേരത്തെ നോർത്ത് സോണിനെതിരായ മത്സരത്തിൽ 102 പന്തിൽ 5 ഫോറും 11 സിക്സും ഉൾപ്പടെ 131 റൺസ് താരം അടിച്ചുകൂട്ടിയിരുന്നു.