സൗത്താഫ്രിക്കയ്ക്കെതിരായ ഏകദിന പരമ്പരയ്ക്കുള്ള ഇന്ത്യൻ ടീമിനെ പ്രഖ്യാപിച്ചു. ഐസിസി ടി20 ലോകകപ്പിനുള്ള ടീമിലുള്ള മുഴുവൻ താരങ്ങളെയും ഒഴിവാക്കിയാണ് ഇന്ത്യ ഏകദിന ടീമിനെ തിരഞ്ഞെടുത്തിരിക്കുന്നത്.
സീനിയർ ഓപ്പണർ ശിഖാർ ധവാനാണ് പരമ്പരയിൽ ഇന്ത്യയെ നയിക്കുന്നത്. ശ്രേയസ് അയ്യരാണ് ടീമിലെ വൈസ് ക്യാപ്റ്റൻ. ഐ പി എല്ലിലും ആഭ്യന്തര ക്രിക്കറ്റിലും മികച്ച പ്രകടനം കാഴ്ച്ചവെച്ച രജത് പടിന്ദറിനെ ടീമിൽ ഉൾപെടുത്തിയിട്ടുണ്ട്. സഞ്ജുവും ഇഷാൻ കിഷനുമാണ് ടീമിലെ വിക്കറ്റ് കീപ്പർമാർ.
സൗത്താഫ്രിക്കയ്ക്കെതിരായ ഏകദിന പരമ്പരയ്ക്കുള്ള ഇന്ത്യൻ ടീം ;
ശിഖർ ധവാൻ (c), ശ്രേയസ് അയ്യർ (vc), റുതുരാജ് ഗെയ്ക്വാദ്, ശുഭ്മാൻ ഗിൽ, രജത് പതിദാർ, രാഹുൽ ത്രിപാഠി, ഇഷാൻ കിഷൻ (wk), സഞ്ജു സാംസൺ (wk), ഷഹബാസ് അഹമ്മദ്, ഷാർദുൽ താക്കൂർ, കുൽദീപ് യാദവ്, രവി ബിഷ്ണോയ്, മുകേഷ് കുമാർ , അവേഷ് ഖാൻ, മൊഹമ്മദ്. സിറാജ്, ദീപക് ചാഹർ.
മൂന്ന് മത്സരങ്ങളുടെ ഏകദിന പരമ്പര ഒക്ടോബർ ആറിന് ലഖ്നൗവിലാണ് ആരംഭിക്കുന്നത്. ഒക്ടോബർ ഒമ്പതിന് റാഞ്ചിയിലും ഒക്ടോബർ പതിനൊന്നിന് ഡൽഹിയിലുമാണ് പരമ്പരയിലെ അവസാന മത്സരം നടക്കുന്നത്.