അന്താരാഷ്ട്ര ക്രിക്കറ്റിലെ തന്റെ അരങ്ങേറ്റ മത്സരത്തിൽ തകർപ്പൻ പ്രകടനം കാഴ്ച്ചവെച്ച ഇഷാൻ കിഷനെ അഭിനന്ദിച്ച് യുവരാജ് സിങും വീരേന്ദർ സെവാഗുമടക്കമുള്ള മുൻ താരങ്ങൾ. മത്സരത്തിൽ ഫിഫ്റ്റി നേടിയ ഇഷാൻ കിഷൻ മാൻ ഓഫ് ദി മാച്ചും സ്വന്തമാക്കിയിരുന്നു.
മത്സരത്തിൽ 32 പന്തിൽ 5 ഫോറും നാല് സിക്സുമടക്കം 56 റൺസ് നേടിയാണ് ഇഷാൻ കിഷൻ പുറത്തായത്. ഇഷാൻ കിഷന്റെയും 49 പന്തിൽ പുറത്താകാതെ 73 റൺസ് നേടിയ ക്യാപ്റ്റൻ വിരാട് കോഹ്ലിയുടെയും തകർപ്പൻ പ്രകടനമികവിലാണ് ഇന്ത്യ മത്സരത്തിൽ 7 വിക്കറ്റിന്റെ വിജയം നേടിയത്.
” ജാർഖണ്ഡിൽ നിന്നുള്ള യുവ വിക്കറ്റ് കീപ്പർ ബാറ്റ്സ്മാന് ടോപ്പ് ഓർഡറിൽ അവസരം ലഭിക്കുകയും അവന്റെ കഴിവ് തെളിയിക്കുകയും ചെയ്യുന്നു. ഇക്കാര്യം ഇതിനുമുൻപും സംഭവിച്ചിട്ടുണ്ട്. ഇഷാൻ കിഷന്റെ ഭയമില്ലാതെയുള്ള അറ്റാക്കിങ് ബാറ്റിങ് എനിക്കിഷ്ടപെട്ടു. ” ട്വിറ്ററിൽ വിരേന്ദർ സെവാഗ് കുറിച്ചു.
A young keeper batsman from Jharkhand promoted up the batting order and proving his caliber. This has happened before.
— Virender Sehwag (@virendersehwag) March 14, 2021
Loved the fearlessness and attacking batting of Ishan Kishan. pic.twitter.com/874tXa0uoz
” എന്തൊരു സ്വപ്നതുല്യമായ തുടക്കമാണിത്. ഒട്ടും ഭയമില്ലാതെയുള്ള ബാറ്റിങ്. ഇതാണ് ഐ പി എല്ലിന്റെ മനോഹാരിത. ചെറുപ്രായത്തിൽ തന്നെ ആ അന്തരീക്ഷം അനുഭവിക്കാനും കഴിവ് പ്രകടിപ്പിക്കാനും യുവതാരങ്ങൾക്ക് സാധിക്കുന്നു. അതിനൊപ്പം തന്നെ സ്കിപ്പറുടെ ക്ലാസ് പ്രകടനവും ” ട്വിറ്ററിൽ മുൻ ഇന്ത്യൻ താരം യുവരാജ് സിങ് കുറിച്ചു.
മുൻ ഇന്ത്യൻ താരങ്ങളായ വി വി എസ് ലക്ഷ്മൺ, ഹർഭജൻ സിങ് അടക്കമുള്ളവരും ട്വിറ്ററിലൂടെ യുവതാരത്തെ അഭിനന്ദിച്ചു.
https://twitter.com/VVSLaxman281/status/1371137326831656960?s=19
https://twitter.com/harbhajan_singh/status/1371134301887078403?s=19
അജിങ്ക്യ രഹാനെയ്ക്ക് ശേഷം അന്താരാഷ്ട്ര ടി20യിൽ അരങ്ങേറ്റ മത്സരത്തിൽ ഫിഫ്റ്റി നേടുന്ന ഇന്ത്യൻ ബാറ്റ്സ്മാനാണ് ഇഷാൻ കിഷൻ. 2011 ൽ ഇംഗ്ലണ്ടിനെതിരെയാണ് തന്റെ അരങ്ങേറ്റ മത്സരത്തിൽ അജിങ്ക്യ രഹാനെ ഫിഫ്റ്റി നേടിയത്.