തകർപ്പൻ പ്രകടനമാണ് ഇന്ത്യയ്ക്കെതിരായ ടി20 പരമ്പരയിലെ രണ്ടാം മത്സരത്തിൽ ഡേവിഡ് മില്ലർ കാഴ്ച്ചവെച്ചത്. മത്സരത്തിൽ ടീമിനെ വിജയിക്കാൻ സാധിച്ചില്ലയെങ്കിലും സെഞ്ചുറി നേടി ക്രിക്കറ്റ് ആരാധകരുടെ ഹൃദയം കീഴടക്കുവാൻ മില്ലർക്ക് സാധിച്ചു. മത്സരത്തിലെ ഈ പ്രകടനത്തോടെ തകർപ്പൻ നേട്ടത്തിൽ സൗത്താഫ്രിക്കയുടെ ഒന്നാമനായിരിക്കുകയാണ് ഡേവിഡ് മില്ലർ.
സൗത്താഫ്രിക്ക 16 റൺസിന് പരാജയപെട്ട മത്സരത്തിൽ 47 പന്തിൽ പുറത്താകാതെ 8 ഫോറും 7 സിക്സും അടക്കം 106 റൺസ് ഡേവിഡ് മില്ലർ നേടിയിരുന്നു. മത്സരത്തിലെ ഈ പ്രകടനത്തോടെ അന്താരാഷ്ട്ര ടി20 ക്രിക്കറ്റിൽ 2000 റൺസ് മില്ലർ പൂർത്തിയാക്കി.
അന്താരാഷ്ട്ര ടി20 യിൽ 2000 റൺസ് നേടുന്ന ആദ്യ സൗത്താഫ്രിക്കൻ താരം കൂടിയാണ് ഡേവിഡ് മില്ലർ. മത്സരത്തിലെ പ്രകടനമടക്കം 90 ഇന്നിങ്സിൽ നിന്നും 2009 റൺസ് ഈ ഫോർമാറ്റിൽ ഡേവിഡ് മില്ലർ നേടിയിട്ടുണ്ട്. 70 ഇന്നിങ്സിൽ 1964 റൺസ് നേടിയ ഡീകോക്കാണ് ഏറ്റവും കൂടുതൽ റൺസ് നേടിയ സൗത്താഫ്രിക്കൻ താരങ്ങളുടെ പട്ടികയിൽ മില്ലറിന് പിന്നിലുള്ളത്.
അന്താരാഷ്ട്ര ടി20 ക്രിക്കറ്റിൽ ഏറ്റവും കൂടുതൽ റൺസ് നേടിയ സൗത്താഫ്രിക്കൻ താരങ്ങൾ
- ഡേവിഡ് മില്ലർ – 2009
- ഡീകോക്ക് – 1964
- ജെ പി ഡുമിനി – 1934
- എ ബി ഡിവിലിയേഴ്സ് – 1672
- ഫാഫ് ഡുപ്ലെസിസ് – 1466