തന്റെ തിരിച്ചുവരവ് മത്സരത്തിൽ തകർപ്പൻ പ്രകടനമാണ് ഓസ്ട്രേലിയൻ ഓപ്പണർ ഡേവിഡ് വാർണർ കൊൽക്കത്തയ്ക്കെതിരെ കാഴ്ച്ചവെച്ചത്. 53 പന്തിൽ നിന്നും ഒമ്പത് ഫോറും മൂന്ന് സിക്സുമടക്കം 85 റൺസ് മത്സരത്തിൽ വാർണർ നേടി. ഐ പി എല്ലിലെ തന്റെ 37 ആം ഫിഫ്റ്റിയാണ് വാർണർ നേടിയത്. ഇതോടെ ഗൗതം ഗംഭീറിനെ മറികടന്ന് ഐ പി എല്ലിൽ ഏറ്റവും കൂടുതൽ ഫിഫ്റ്റി നേടുന്ന ബാറ്റ്സ്മാനായി ഡേവിഡ് വാർണർ മാറി. ഇത് നാല്പ്താം തവണയാണ് ഡേവിഡ് വാർണർ ഐ പി എല്ലിൽ 50+ സ്കോർ (മൂന്ന് സെഞ്ചുറിയടക്കം) നേടുന്നത്. 38 തവണ 50+ സ്കോർ (നാല് സെഞ്ചുറിയടക്കം) നേടിയ വിരാട് കോഹ്ലിയാണ് വാർണർക്ക് പുറകിലുള്ളത്.
ഐ പി എല്ലിൽ ഏറ്റവും കൂടുതൽ ഫിഫ്റ്റി നേടിയവർ
ഡേവിഡ് വാർണർ – 37
ഗൗതം ഗംഭീർ – 36
സുരേഷ് റെയ്ന – 35
വിരാട് കോഹ്ലി – 34
രോഹിത് ശർമ്മ – 34
ഐ പി എല്ലിൽ ഏറ്റവും കൂടുതൽ 50+ സ്കോർ നേടിയവർ
ഡേവിഡ് വാർണർ – 40
വിരാട് കോഹ്ലി – 38
ഗൗതം ഗംഭീർ – 36 / സുരേഷ് റെയ്ന – 36
രോഹിത് ശർമ്മ – 35