CricKerala
Crickerala is a malayalam cricket news website. Malayalam cricket news, cricket news in malayalam

അന്താരാഷ്ട്ര ക്രിക്കറ്റിൽ മൂന്ന് ഫോർമാറ്റിലും അഞ്ച് വിക്കറ്റ് നേട്ടവുമായി റാഷിദ് ഖാൻ

ഇന്റർനാഷണൽ ക്രിക്കറ്റിൽ മൂന്ന് ഫോർമാറ്റിലും അഞ്ച് വിക്കറ്റ് നേട്ടം സ്വന്തമാക്കുന്ന ഒമ്പതാമത്തെ ബൗളറായി അഫ്ഘാനിസ്ഥാൻ സ്പിന്നർ റാഷിദ് ഖാൻ . അയർലൻഡിനെതിരായ ടെസ്റ്റ് മത്സരത്തോടെയാണ് ഈ ചരിത്രനേട്ടം സ്വന്തമാക്കിയത് . ആദ്യ ഇന്നിങ്‌സിൽ രണ്ട് വിക്കറ്റ് മാത്രം വീഴ്ത്തിയ റാഷിദ് ഖാൻ രണ്ടാം ഇന്നിങ്‌സിൽ 82 റൺസ് വഴങ്ങി അഞ്ച് വിക്കറ്റുകൾ വീഴ്ത്തി . അന്താരാഷ്ട്ര ക്രിക്കറ്റിൽ അഫ്ഘാനിസ്ഥാന് വേണ്ടി ഇത് ഏഴാം തവണയാണ് റാഷിദ് ഖാൻ അഞ്ച് വിക്കറ്റ് നേട്ടം സ്വന്തമാക്കുന്നത് .

ഇതുവരെ 38 അന്താരാഷ്ട്ര ട്വന്റി20യിൽ നിന്നും 75 വിക്കറ്റും 57 ഏകദിനത്തിൽ നിന്നും 123 വിക്കറ്റും റാഷിദ് ഖാൻ നേടിയിട്ടുണ്ട് .

2009 ൽ പാകിസ്ഥാൻ ഫാസ്റ്റ് ബൗളർ ഉമർ ഗുല്ലാണ് അന്താരാഷ്ട്ര ക്രിക്കറ്റിൽ മൂന്ന് ഫോർമാറ്റിലും അഞ്ച് വിക്കറ്റ് നേട്ടം സ്വന്തമാക്കുന്ന ബൗളറെന്ന ചരിത്രനേട്ടം സ്വന്തമാക്കിയത് . തുടർന്ന് 2011 ൽ ന്യൂസിലാൻഡ് ബൗളർ ടിം സൗത്തീ, ശ്രീലങ്കൻ സ്പിന്നർ അജന്ത മെൻഡിസ്, 2012 ൽ ലസിത് മലിംഗ എന്നിവരും ഈ നേട്ടം സ്വന്തമാക്കി .

2017 ൽ ഇമ്രാൻ താഹിർ ഈ നേട്ടം സ്വന്തമാക്കിയ ശേഷം 2018 ൽ ഇന്ത്യൻ താരങ്ങളായ കുൽദീപ് യാദവ്, ഭുവനേശ്വർ കുമാർ ബംഗ്ലാദേശ് ഓൾറൗണ്ടർ ഷാഖിബ് അൽ ഹസൻ എന്നിവരും ഈ അപൂർവ്വ നേട്ടത്തിൽ ഇടം നേടി .