CricKerala
Latest Malayalam Cricket News, Malayalam Cricket News Today, New malayalam Cricket News, Malayalam Sports News Cricket, Indian Criket Malayala News

ധവാൻ തിളങ്ങി ആദ്യ ഏകദിനത്തിൽ ഇന്ത്യയ്ക്ക് അനായാസ വിജയം

ന്യൂസിലാൻഡിനെതിരായ ഏകദിന പരമ്പരയിലെ ആദ്യ മത്സരത്തിൽ ഇന്ത്യയ്ക്ക് എട്ട് വിക്കറ്റിന്റെ അനായാസ വിജയം . ഡക്ക് വർത്ത് ലൂയിസ് നിയമപ്രകാരം 49 ഓവറാക്കി ചുരുക്കിയ മത്സരത്തിൽ വേണ്ടിയിരുന്ന 156 റൺസിന്റെ വിജയലക്ഷ്യം 34.5 ഓവറിൽ രണ്ട് വിക്കറ്റ് നഷ്ട്ടത്തിൽ മറികടന്നു . ഇന്ത്യയ്ക്ക് വേണ്ടി ധവാൻ 103 പന്തിൽ 75 ഉം റായുഡു 23 പന്തിൽ 13 ഉം റൺസ് നേടി പുറത്താകാതെ നിന്നു . വിരാട് കോഹ്ലി 45 ഉം രോഹിത് ശർമ 11 ഉം റൺസ് നേടി പുറത്തായി . കനത്ത വെയിൽ മൂലം കളി നിർത്തിവെച്ചതിനെ തുടർന്നാണ് 49 ഓവറാക്കി ചുരുക്കിയത് .

നേരത്തെ ടോസ് നേടി ബാറ്റിങ് തിരഞ്ഞെടുത്ത ന്യൂസിലാൻഡ് 38 ഓവറിൽ 157 റൺസിന് ഓൾഔട്ട് ആയിരുന്നു . നാല് വിക്കറ്റ് നേടിയ കുൽദീപ് യാദവ്, മൂന്ന് വിക്കറ്റ് നേടിയ ഷാമി, രണ്ട് വിക്കറ്റ് നേടിയ ചഹാൽ എന്നിവരാണ് ആതിഥേയരെ കുറഞ്ഞ സ്കോറിൽ ഒതുക്കിയറത് . കേദാർ ജാദവ് ഒരു വിക്കറ്റ് നേടി . 81 പന്തിൽ 64 റൺസ് നേടിയ ക്യാപ്റ്റൻ കെയ്ൻ വില്യംസന്റെ പ്രകടനമാണ് ന്യൂസിലാൻഡിനെ വൻ തകർച്ചയിൽ നിന്നും രക്ഷിച്ചത് . ജനുവരി 26 നാണ് പരമ്പരയിലെ രണ്ടാം മത്സരം .

Loading...
Loading...