ചരിത്രത്തിൽ ആദ്യമായി ഐസിസി ടെസ്റ്റ് പ്ലേയർ ഓഫ് ദി ഇയർ, ഐസിസി ഏകദിന പ്ലേയർ ഓഫ് ദി ഇയർ, ഐസിസി ക്രിക്കറ്റർ ഓഫ് ദി ഇയർ പുരസ്‌കാരങ്ങൾ നേടുന്ന ആദ്യ പ്ലേയറായി ഇന്ത്യൻ ക്യാപ്റ്റൻ വിരാട് കോഹ്ലി. ഈ പുരസ്‌കാരങ്ങളെ കൂടാതെ ഏകദിന ടെസ്റ്റ് ടീമികളുടെ ക്യാപ്റ്റൻ കൂടിയായി കോഹ്ലിയെ ഐസിസി തിരഞ്ഞെടുത്തു . 2018 ൽ 13 ടെസ്റ്റിൽ നിന്നും 55.08 ശരാശരിയിൽ 1322 റൺസും, 14 ഏകദിനത്തിൽ നിന്നും 133.55 ശരാശരിയിൽ ആറ് സെഞ്ചുറിയടക്കം 1202 റൺസും കോഹ്ലി നേടിയിരുന്നു . ടെസ്റ്റ് ക്രിക്കറ്റർ ഓഫ് ദി ഇയറിലും ഐസിസി ടെസ്റ്റ് പ്ലേയർ ഓഫ് ദി ഇയറിലും സൗത്താഫ്രിക്കൻ ഫാസ്റ്റ് ബൗളർ കഗിസോ റബാഡ മാത്രമാണ് കോഹ്ലിക്ക് വെല്ലുവിളിയുയർത്തിയത് . ഏകദിന പ്ലേയർ അവാർഡിൽ അഫ്ഗാനിസ്ഥാൻ സ്പിന്നർ റഷീദ് ഖാനാണ് കോഹ്ലിക്ക് ശേഷം ഏറ്റവും കൂടുതൽ വോട്ടുകൾ നേടിയത്.
https://twitter.com/ICC/status/1087601576154411013?s=19