തൻ്റെ ക്രിക്കറ്റ് കരിയറിനോട് വിടപറഞ്ഞ് ബംഗാൾ താരം മനോജ് തിവാരി. 37 ക്കാരനായ താരം 2015 ലാണ് അവസാനമായി കളിച്ചത്. ആഭ്യന്തര ക്രിക്കറ്റിൽ മികച്ച പ്രകടനം കാഴ്ച്ചവെച്ചിരുന്ന താരത്തിന് എന്നാൽ അന്താരാഷ്ട്ര ക്രിക്കറ്റിൽ നിലയുറപ്പിക്കാൻ സാധിച്ചിരുന്നില്ല.
2008 ൽ ഇന്ത്യയ്ക്കായി അരങ്ങേറ്റം കുറിച്ച താരം 12 ഏകദിന മത്സരങ്ങളും 3 ടി20 മത്സരങ്ങളും ഇന്ത്യയ്ക്കായി കളിച്ചിട്ടുണ്ട്. ഏകദിനത്തിൽ ഒരു സെഞ്ചുറിയും താരം നേടിയിട്ടുണ്ട്.
ഐ പി എല്ലിൽ ഡൽഹി, കൊൽക്കത്ത നൈറ്റ് റൈഡേഴ്സ്, കിങ്സ് ഇലവൻ പഞ്ചാബ്, റൈസിംഗ് പൂനെ സൂപ്പർ ജയൻ്റ്സ് എന്നീ ടീമുകൾക്കായി താരം കളിച്ചിട്ടുണ്ട്. അന്താരാഷ്ട്ര ക്രിക്കറ്റിൽ എന്ന പോലെ ഐ പി എല്ലിലും സ്ഥിരതയാർന്ന പ്രകടനം തുടരാൻ താരത്തിന് സാധിച്ചിരുന്നില്ല.
നിലവിൽ ബംഗാളിൻ്റെ സ്പോർട്സ് മിനിസ്റ്റർ കൂടിയാണ് മനോജ് തിവാരി. സ്പോർട്സ് മിനിസ്റ്റർ ആയിരിക്കെ തന്നെ ആഭ്യന്തര ക്രിക്കറ്റിൽ താരം കളിച്ചിരുന്നു.