ലോർഡ്സിൽ നടന്നുകൊണ്ടിരിക്കുന്ന ഇംഗ്ലണ്ടിനെതിരായ ക്രിക്കറ്റ് ടെസ്റ്റിൽ അയർലൻഡിന് ബാറ്റിങ് തകർച്ച. സ്റ്റുവർട്ട് ബ്രോഡിൻ്റെ തകർപ്പൻ ബൗളിങ് മികവിലാണ് ആദ്യ ഇന്നിങ്സിൽ അയർലൻഡിനെ കുറഞ്ഞ സ്കോറിൽ ഇംഗ്ലണ്ട് പുറത്താക്കിയത്.
ടോസ് നഷ്ടപെട്ട് ആദ്യ ഇന്നിങ്സിൽ ബാറ്റിങിനിറങ്ങിയ അയർലൻഡിന് 56.2 ഓവറിൽ 172 റൺസ് എടുക്കുന്നതിനിടെ മുഴുവൻ വിക്കറ്റും നഷ്ടമായി. 17 ഓവറിൽ 51 റൺസ് വഴങ്ങി അഞ്ച് വിക്കറ്റ് വീഴ്ത്തിയ സ്റ്റുവർട്ട് ബ്രോഡാണ് അയർലൻഡിനെ തകർത്തത്. ജാക്ക് ലീച്ച് മൂന്ന് വിക്കറ്റ് വീഴ്ത്തിയപ്പോൾ മാത്യൂ പോട്ട്‌സ് രണ്ട് വിക്കറ്റ് നേടി. അരങ്ങേറ്റക്കാരൻ ജോഷ് ടങ്കിന് വിക്കറ്റ് നേടുവാൻ സാധിച്ചില്ല.
36 റൺസ് നേടിയ ജെയിംസ് മക്കല്ലമാണ് അയർലൻഡ് നിരയിലെ ടോപ്പ് സ്കോറർ. പോൾ സ്റ്റിർലിങ് 30 റൺസ് നേടി പുറത്തായി.