സൗത്താഫ്രിക്കയ്ക്കെതിരായ ആദ്യ ഏകദിനത്തിൽ മനോഹരമായ പന്തിലൂടെ ഐയ്ഡൻ മാർക്രത്തെ പുറത്താക്കി കുൽദീപ് യാദവ്. 2019 ഏകദിന ലോകകപ്പിൽ നിലവിലെ പാകിസ്ഥാൻ ക്യാപ്റ്റൻ ബാബർ അസമിനെ പുറത്താക്കിയത് സമാനമായിരുന്നു കുൽദീപ് ഇന്ന് നേടിയ ഈ വിക്കറ്റ്.
പതിനാറാം ഓവറിലെ അവസാന പന്തിലായിരുന്നു ഈ മനോഹരമായ പന്തിലൂടെ കുൽദീപ് മാർക്രത്തെ പുറത്താക്കിയത്. കുൽദീപ് ഫുൾ ലെങ്തിൽ എറിഞ്ഞ പന്ത് ഡിഫൻഡ് ചെയ്യുവാനുള്ള മാർക്രത്തിൻ്റെ ശ്രമം പരാജയപെടുകയും ബാറ്റിനും പാഡിനും ഇടയിൽ വിടവ് കണ്ടെത്തികൊണ്ട് പന്ത് സ്റ്റമ്പ് തെറിപ്പിക്കുകയും ചെയ്യുകയായിരുന്നു.
ഇന്ത്യ എ യ്ക്ക് വേണ്ടിയുള്ള മികച്ച പ്രകടനത്തിന് ശേഷമാണ് കുൽദീപ് യാദവ് പരമ്പരയ്ക്കായി എത്തിയിരിക്കുന്നത്. ന്യൂസിലൻഡ് എ യ്ക്കെതിരെ സഞ്ജു സാംസണ് കീഴിൽ താരം ഹാട്രിക്കും നേടിയിരുന്നു.
What a ball from Kuldeep, reminds of Babar Azam dismissal in 2019 World Cup. pic.twitter.com/V4mQsKHfRr
— Johns. (@CricCrazyJohns) October 6, 2022
Kuldeep owns babar toopic.twitter.com/AJUmEZHs5O https://t.co/yhum3dKDvC
— M. (@VK__GoatI8) October 6, 2022
മത്സരത്തിലേക്ക് വരുമ്പോൾ മഴമൂലം 40 ഓവറാക്കി ചുരുക്കിയ മത്സരത്തിൽ ടോസ് നേടിയ ഇന്ത്യൻ ക്യാപ്റ്റൻ ശിഖാർ ധവാൻ ഫീൽഡിങ് തിരഞ്ഞെടുക്കുകയായിരുന്നു.
ഇന്ത്യ പ്ലേയിങ് ഇലവൻ ; ശിഖർ ധവാൻ (c), ശുഭ്മാൻ ഗിൽ, റുതുരാജ് ഗെയ്ക്വാദ്, ശ്രേയസ് അയ്യർ, ഇഷാൻ കിഷൻ, സഞ്ജു സാംസൺ (WK), ഷാർദുൽ താക്കൂർ, കുൽദീപ് യാദവ്, രവി ബിഷ്ണോയ്, മുഹമ്മദ് സിറാജ്, അവേഷ് ഖാൻ
സൗത്താഫ്രിക്ക പ്ലേയിങ് ഇലവൻ ; ജാനെമാൻ മലൻ, ക്വിന്റൺ ഡി കോക്ക് (WK), ടെംബ ബാവുമ (c), എയ്ഡൻ മർക്രം, ഹെൻറിച്ച് ക്ലാസൻ, ഡേവിഡ് മില്ലർ, വെയ്ൻ പാർനെൽ, കേശവ് മഹാരാജ്, കാഗിസോ റബാഡ, ലുങ്കി എൻഗിഡി, തബ്രൈസ് ഷംസി