സൗത്ത് ആഫ്രിക്കക്കെതിരായ മുന്നാം ഏകദിന മത്സരത്തിൽ പുറത്താകാതെ നേടിയ 160 റൺസോടെ ഗാംഗുലിയുടെ പേരിലുണ്ടായിരുന്ന സൗത്ത് ആഫ്രിക്കയിൽ സൗത്ത് ആഫ്രിക്കക്കെതിരെ ഒരു ഇന്ത്യൻ താരത്തിന്റെ ഉയർന്ന സ്കോർ എന്ന റെക്കോർഡ് കോഹ്ലി തിരുത്തിയെഴുതി .
സൗത്ത് ആഫ്രിക്കയിലെ ഒരു ഇന്ത്യൻ താരത്തിന്റെ ഉയർന്ന സ്കോർ എന്ന സച്ചിന്റെ റെക്കോർഡും മറികടന്നു .
മുന്നാം ഏകദിന ടോസ് നേടിയ സൗത്ത് ആഫ്രിക്ക ഇന്ത്യയെ ബാറ്റിങ്ങിന് അയച്ചു . തുടക്കത്തിൽ തന്നെ രോഹിത് ശർമയെ നഷ്ടപ്പെട്ടെങ്കിലും ധവാൻ – കോഹ്ലി കൂട്ടുകെട്ടിൽ സ്കോർ ബോർഡ് ഉയർത്തി . ഇന്നിംഗ്സ് അവസാനിക്കുമ്പോൾ 6 വിക്കറ്റ് നഷ്ട്ടത്തിൽ 303 റൺസ് നേടി . കോഹ്ലി 159 പന്തിൽ 12 ഫോറും 2 സിക്സും ഉൾപ്പടെ 160 റൺസ് നേടി . ധവാൻ 63 പന്തിൽ 12 ഫോർ സഹിതം 76 റൺസ് നേടി .
ഇന്നത്തെ 160 റൺസോടെ കോഹ്ലി തന്റെ ഏകദിന കരിയറിലെ 34 ആം സെഞ്ച്വറിയും , മൂന്നാമത്തെ 150+ റൺസും നേടി . കോഹ്ലിയുടെ സൗത്ത് ആഫ്രിക്കയിലെ രണ്ടാം സെഞ്ച്വറി കൂടിയാണിത് .