ഫ്രീഡം സീരീസിലെ രണ്ടാം ടെസ്റ്റിൽ സെഞ്ചുറി നേടിയതോടെ കോഹ്ലി തന്റെ കരിയറിലെ 21 ആം ടെസ്റ്റ് സെഞ്ചുറി തികച്ചു . ഒരു ഭാഗത്ത് വിക്കറ്റുകൾ വീഴുമ്പോഴും മറു ഭാഗത്ത് കോഹ്ലി നിലയുറപ്പിച്ചതോടെ ഇന്ത്യ മത്സരത്തിലേക്ക് തിരിച്ചു വന്നു . 21 ആം ടെസ്റ്റ് സെഞ്ചുറിയോടെ കോഹ്ലി സച്ചിൻ ടെണ്ടുൽക്കറുടെ റെക്കോർഡ് മറി കടന്നു .
ഏറ്റവും വേഗത്തിൽ 21 ടെസ്റ്റ് സെഞ്ചുറി നേടിയ ബാറ്റ്സ്മാന്മാർ
1. ഡോൺ ബ്രാഡ്മാൻ
56 ആം ഇന്നിങ്സിൽ നിന്നാണ് ബ്രാഡ്മാൻ 21 ടെസ്റ്റ് സെഞ്ചുറികൾ നേടിയത് .
2. സുനിൽ ഗവാസ്കർ
98 ഇന്നിങ്സിൽ നിന്നും 21 സെഞ്ചുറി തികച്ച സുനിൽ ഗവാസ്കർ ആണ് ഏറ്റവും വേഗത്തിൽ 21 ടെസ്റ്റ് സെഞ്ചുറി നേടിയ രണ്ടാമത്തെ ബാറ്റ്സ്മാൻ .
3. സ്റ്റീവ് സ്മിത്ത്
105 ഇന്നിങ്സിൽ നിന്നും 21 സെഞ്ചുറി നേടിയ ഓസ്ട്രേലിയൻ ക്യാപ്റ്റൻ സ്റ്റീവ് സ്മിത്താണ് മൂന്നാം സ്ഥാനത്ത് . നിലവിൽ ടെസ്റ്റ് റാങ്കിങ്ങിൽ ഒന്നാം സ്ഥാനത്താണ് സ്മിത്ത് .
4. വിരാട് കൊഹ്ലി
സൗത്താഫ്രിക്കകെതിരെ നേടിയ സെഞ്ചുറിയോടെ കോഹ്ലി സച്ചിനെ പിന്തള്ളി നാലാം സ്ഥാനത്തെത്തി . 109 ഇന്നിങ്സിൽ നിന്നാണ് കോഹ്ലി 21 സെഞ്ചുറികൾ നേടിയത് .
5 . സച്ചിൻ ടെണ്ടുൽക്കർ
110 ഇന്നിങ്സിൽ നിന്നാണ് സച്ചിൻ 21 ടെസ്റ്റ് സെഞ്ചുറികൾ നേടിയത് . കൊഹ്ലിയുടെ സെഞ്ചുറിയോടെ സച്ചിൻ അഞ്ചാം സ്ഥാനത്തേക്ക് പിന്തള്ളപ്പെട്ടു.