CricKerala
Crickerala is a malayalam cricket news website. Malayalam cricket news, cricket news in malayalam

വിജയലക്ഷ്യം മറികടന്നത് ആറോവറിൽ, ബംഗ്ലാദേശിനെ തകർത്ത് ഓസ്‌ട്രേലിയ

ഐസിസി ലോകകപ്പിലെ നിർണായക പോരാട്ടത്തിൽ ബംഗ്ലാദേശിനെതിരെ ഓസ്‌ട്രേലിയക്ക് എട്ട് വിക്കറ്റിന്റെ തകർപ്പൻ വിജയം. വമ്പൻ വിജയം അനിവാര്യമായിരുന്ന മത്സരത്തിൽ ബംഗ്ലാദേശിനെ 73 റൺസിന് പുറത്താക്കിയ ഓസ്‌ട്രേലിയ 74 റൺസിന്റെ വിജയലക്ഷ്യം വെറും 6.2 ഓവറിൽ 2 വിക്കറ്റ് മാത്രം നഷ്ടത്തിൽ മറികടന്നു.

( Picture Source : Twitter / ICC T20 WORLD CUP )

20 പന്തിൽ 40 റൺസ് ക്യാപ്റ്റൻ ആരോൺ ഫിഞ്ചും 14 പന്തിൽ 18 റൺസ് നേടിയ ഡേവിഡ് വാർണറും 5 പന്തിൽ 16 റൺസ് നേടിയ മിച്ചൽ മാർഷുമാണ് ഓസ്‌ട്രേലിയൻ വിജയം വേഗത്തിലാക്കിയത്. വിജയത്തോടെ റൺറേറ്റ് മെച്ചപെടുത്തിയ ഓസ്‌ട്രേലിയ പോയിന്റ് ടേബിളിൽ സൗത്താഫ്രിക്കയെ പിന്നിലാക്കുകയും ചെയ്തു.

( Picture Source : Twitter / ICC T20 WORLD CUP )

നേരത്തെ ആദ്യം ബാറ്റ് ചെയ്ത ബംഗ്ലാദേശിനെ നാലോവറിൽ 19 റൺസ് വഴങ്ങി 5 വിക്കറ്റ് വീഴ്ത്തിയ ആഡം സാംപയാണ് ചുരുക്കികെട്ടിയത്. മിച്ചൽ സ്റ്റാർക്ക് നാലോവറിൽ 21 റൺസ് വഴങ്ങി 2 വിക്കറ്റും, ഹേസൽവുഡ് രണ്ടോവറിൽ 8 റൺ വഴങ്ങി 2 വിക്കറ്റും ഗ്ലെൻ മാക്‌സ്‌വെൽ ഒരു വിക്കറ്റും നേടി. നാല് ബാറ്റർമാർ മാത്രമാണ് ബംഗ്ലാദേശ് നിരയിൽ രണ്ടക്കം കടന്നത്.

നവംബർ ആറിന് വെസ്റ്റിൻഡീസിനെതിരെയാണ് ഗ്രൂപ്പ് ഘട്ടത്തിലെ ഓസ്‌ട്രേലിയയുടെ അവസാന മത്സരം. അന്നേ ദിവസം ഇംഗ്ലണ്ട് സൗത്താഫ്രിക്കയെയും നേരിടും.

( Picture Source : Twitter / ICC T20 WORLD CUP )
Leave a comment