യു എ ഇയിൽ നടക്കുന്ന ടി20 ലോകകപ്പിലെ ഗ്രൂപ്പ് വിവരങ്ങൾ പുറത്തുവിട്ട് അന്താരാഷ്ട്ര ക്രിക്കറ്റ് കൗൺസിൽ. പാകിസ്ഥാൻ, അഫ്ഗാനിസ്ഥാൻ, ന്യൂസിലാൻഡ് എന്നിവർക്കൊപ്പം രണ്ടാം ഗ്രൂപ്പിലാണ് ഇന്ത്യയുള്ളത്.
ഒക്ടോബർ 17 നാണ് ഐസിസി ടി20 ലോകകപ്പ് ആരംഭിക്കുന്നത്. ഇന്ത്യയിൽ നടക്കേണ്ടിയിരുന്ന ലോകകപ്പ് കോവിഡ് പ്രതിസന്ധികളെ തുടർന്നാണ് യു എ ഇ യിലേക്കും ഒമാനിലേക്കും മാറ്റിയത്.
ശ്രീലങ്ക, അയർലൻഡ്, നെതർലൻഡ്‌സ്, നമീബിയ, ബംഗ്ലാദേശ്, സ്‌കോട്ലൻഡ്‌, പാപുവ ന്യൂ ഗ്വിനിയ, ഒമാൻ എന്നീ ടീമുകൾ ഒന്നാം റൗണ്ടിൽ യോഗ്യതയ്ക്കായി മാറ്റുരയ്ക്കും. ഈ റൗണ്ടിൽ ആദ്യ രണ്ട് സ്ഥാനങ്ങളിലെത്തുന്ന ഇരു ഗ്രൂപ്പുകളിൽ നിന്നുള്ള നാല് ടീമുകൾ സൂപ്പർ 12 ലേക്ക് യോഗ്യത നേടും.
https://twitter.com/T20WorldCup/status/1415972746836779009?s=19
നിലവിലെ ചാമ്പ്യന്മാരായ വെസ്റ്റിൻഡീസിനൊപ്പം ഇംഗ്ലണ്ട്, ഓസ്‌ട്രേലിയ, സൗത്താഫ്രിക്ക എന്നീ ശക്തരായ ടീമുകളാണ് ഒന്നാം ഗ്രൂപ്പിലുള്ളത്. ഒപ്പം ഒന്നാം റൗണ്ടിൽ എ ഗ്രൂപ്പിലെ ഒന്നാം സ്ഥാനക്കാരും ബി ഗ്രൂപ്പിലെ രണ്ടാം സ്ഥാനക്കാരും സൂപ്പർ 12 ൽ ഒന്നാം ഗ്രൂപ്പിൽ ഉണ്ടാകും.
https://twitter.com/T20WorldCup/status/1415978487878455298?s=19
ഇന്ത്യയ്ക്കൊപ്പം പാകിസ്ഥാൻ, ന്യൂസിലാൻഡ്, അഫ്ഘാനിസ്ഥാൻ എന്നീ ടീമുകളാണ് സൂപ്പർ 12 പോരാട്ടത്തിൽ രണ്ടാം ഗ്രൂപ്പിലുള്ളത്. ഒന്നാം റൗണ്ടിൽ ഗ്രൂപ്പ് ബിയിൽ ഒന്നാം സ്ഥാനത്തെത്തുന്ന ടീമും ഗ്രൂപ്പ് എ യിൽ രണ്ടാം സ്ഥാനത്തെത്തുന്ന ടീമും സൂപ്പർ 12 പോരാട്ടത്തിൽ രണ്ടാം ഗ്രൂപ്പിൽ ഉണ്ടാകും.
