CricKerala
Crickerala is a malayalam cricket news website. Malayalam cricket news, cricket news in malayalam

കെയ്ൻ വില്യംസന്റെ റെക്കോർഡ് തകർത്ത് വിരാട് കോഹ്ലി

തകർപ്പൻ പ്രകടനമാണ് ചെന്നൈ സൂപ്പർ കിങ്‌സിനെതിരായ മത്സരത്തിൽ വിരാട് കോഹ്ലി കാഴ്ച്ചവെച്ചത്. 52 പന്തിൽ നാല് ഫോറും നാല് സിക്സുമടക്കം പുറത്താകാതെ 90 റൺസ് മത്സരത്തിൽ കോഹ്ലി നേടി.

ഈ പ്രകടനത്തോടെ ഐ പി എല്ലിൽ ചെന്നൈ സൂപ്പർ കിങ്‌സിനെതിരെ ഏറ്റവും ഉയർന്ന വ്യക്തിഗത സ്കോർ നേടുന്ന ക്യാപ്റ്റനെന്ന റെക്കോർഡ് കോഹ്ലി സ്വന്തം പേരിലാക്കി. 2018 ൽ ചെന്നൈയ്ക്കെതിരെ 51 പന്തിൽ 84 റൺസ് നേടിയ സൺറൈസേഴ്‌സ് ഹൈദരാബാദ് ക്യാപ്റ്റനായിരുന്ന കെയ്ൻ വില്യംസന്റെ റെക്കോർഡാണ് കോഹ്ലി തകർത്തത്.

ഐ പി എല്ലിൽ ചെന്നൈ സൂപ്പർ കിങ്‌സിനെതിരെ ഏറ്റവും ഉയർന്ന വ്യക്തിഗത സ്കോർ നേടിയ ക്യാപ്റ്റന്മാർ

  1. വിരാട് കോഹ്ലി – 90 *
  2. കെയ്ൻ വില്യംസൺ – 84
  3. ബ്രണ്ടൻ മക്കല്ലം – 81
  4. ഷെയ്ൻ വാട്സൻ – 73
  5. വിരാട് കോഹ്ലി – 73

മത്സരത്തിൽ ചെന്നൈയെ ബാംഗ്ലൂർ 37 റൺസിനാണ് പരാജയപെടുത്തിയത്. ക്യാപ്റ്റൻ വിരാട് കോഹ്ലി മികവിൽ ബാംഗ്ലൂർ ഉയർത്തിയ 170 റൺസിന്റെ വിജയലക്ഷ്യം പിന്തുടർന്ന ചെന്നൈയ്ക്ക് നിശ്ചിത 20 ഓവറിൽ 8 വിക്കറ്റ് നഷ്ട്ടത്തിൽ 132 റൺസ് നേടാനെ സാധിച്ചുള്ളൂ.

വിജയത്തോടെ പോയിന്റ് ടേബിളിൽ ബാംഗ്ലൂർ നാലാം സ്ഥാനത്തെത്തി.