ഇന്ത്യൻ പ്രീമിയർ ലീഗിൽ ഏറ്റവും കൂടുതൽ മത്സരങ്ങൾ കളിച്ച താരമെന്ന റെക്കോർഡ് ഇനി ചെന്നൈ സൂപ്പർ കിങ്സ് ക്യാപ്റ്റൻ എം എസ് ധോണിയ്ക്ക് സ്വന്തം. ദുബായിൽ സൺറൈസേഴ്സിനെതിരെ നടന്നത് എം എസ് ധോണിയുടെ 194 ആം ഐ പി എൽ മത്സരമായിരുന്നു. ഇതോടെ ഐ പി എൽ 193 മത്സരങ്ങൾ കളിച്ചിട്ടുള്ള മുൻ സഹതാരം സുരേഷ് റെയ്നയെ ധോണി പിന്നിലാക്കി.
ഐ പി എല്ലിൽ ഏറ്റവും കൂടുതൽ മത്സരങ്ങൾ കളിച്ചിട്ടുള്ള താരങ്ങൾ.
- എം എസ് ധോണി – 194
- സുരേഷ് റെയ്ന – 193
- രോഹിത് ശർമ്മ – 192
- ദിനേശ് കാർത്തിക് – 185
- വിരാട് കോഹ്ലി – 180
- റോബിൻ ഉത്തപ്പ – 180
മത്സരത്തിൽ 36 പന്തിൽ 47 റൺസ് നേടി പുറത്താകാതെ നിന്ന ധോണി ഐ പി എല്ലിൽ 4,500 റൺസും പിന്നിട്ടു. ഐ പി എല്ലിൽ 4500 റൺസ് നേടുന്ന ഏഴാമത്തെ ബാറ്റ്സ്മാനാണ് എം എസ് ധോണി
ഐ പി എല്ലിൽ 4500+ റൺസ് നേടിയ ബാറ്റ്സ്മാന്മാർ
- വിരാട് കോഹ്ലി – 5430
- സുരേഷ് റെയ്ന – 5368
- രോഹിത് ശർമ്മ – 5068
- ഡേവിഡ് വാർണർ – 4821
- ശിഖാർ ധവാൻ – 4648
- എ ബി ഡിവില്ലിയേഴ്സ് – 4529
- എം എസ് ധോണി – 4523
മത്സരത്തിൽ 7 റൺസിനാണ് ചെന്നൈ സൂപ്പർ കിങ്സ് സൺറൈസേഴ്സ് ഹൈദരാബാദിനോട് പരാജയപെട്ടത്. ഹൈദരാബാദ് ഉയർത്തിയ 165 റൺസിന്റെ വിജയലക്ഷ്യം പിന്തുടർന്ന ചെന്നൈയ്ക്ക് നിശ്ചിത 20 ഓവറിൽ 5 വിക്കറ്റ് നഷ്ട്ടത്തിൽ 157 റൺസ് നേടാനെ സാധിച്ചുള്ളൂ.