2008 ൽ ഇന്ത്യക്കെതിരായ അഡ്ലെയ്ഡ് ടെസ്റ്റിനിടെയാണ് ഓസ്ട്രേലിയയുടെ വിക്കറ്റ് കീപ്പർ ബാറ്റ്സ്മാൻ ആദം ഗിൽക്രിസ്റ് അപ്രതീക്ഷിത വിരമിക്കൽ പ്രഖ്യാപിച്ചത്. ക്രിക്കറ്റ് ലോകം ഞെട്ടലോടെയാണ് ആ വാർത്ത കേട്ടത്. വിരമിച്ച് 12 വർഷത്തിനുശേഷം, അഡ്ലെയ്ഡ് ടെസ്റ്റ് മത്സരത്തിനിടെ ലക്ഷ്മണന്റെ ക്യാച്ച് ഡ്രോപ്പ് ചെയ്തത് വിരമിക്കുന്നതിൽ ഒരു പങ്കുവഹിച്ചതായി ഗിൽക്രിസ്റ് വെളിപ്പെടുത്തി.
“ ഒരു ടെസ്റ്റ് മത്സരത്തിൽ നിങ്ങൾ വിവിഎസ് ലക്ഷ്മന്റെ ക്യാച്ച് ഡ്രോപ്പ് ചെയ്യുകയാണെങ്കിൽ വിരമിക്കുന്നതിന് അതൊരു നല്ല കാരണമാണെന്ന് ഞാൻ കരുതുന്നു. അദ്ദേഹത്തിന് വളരെയധികം അവസരങ്ങൾ നൽകാൻ നിങ്ങൾ താൽപ്പര്യപ്പെടുകയില്ല, ” ഗിൽക്രിസ്റ്റ് ടിവി അവതാരക മഡോണ ടിക്സീറയോട്‘ ലൈവ് കണക്റ്റ് ’ഷോയിൽ പറഞ്ഞു.
ഇന്ത്യയ്ക്കെതിരായ നാലാം ടെസ്റ്റിനായി ഇറങ്ങുമ്പോൾ വിരമിക്കൽ റിപ്പോർട്ടുകൾ നിഷേധിച്ച ഗിൽക്രിസ്റ്റ് ടെസ്റ്റ് മത്സരത്തിലൂടെ തന്റെ തീരുമാനം പ്രഖ്യാപിച്ചു. 396 അന്താരാഷ്ട്ര മത്സരങ്ങളിൽ നിന്നായി ആദം ഗിൽക്രിസ്റ് 813 ക്യാച്ചുകളും, 92 സ്റ്റമ്പിങും സ്വന്തമാക്കിട്ടുണ്ട്.