പാകിസ്ഥാനെതിരായ ടെസ്റ്റ് പരമ്പരയിലെ തുടർന്നുള്ള മത്സരങ്ങളിൽ ഇംഗ്ലണ്ട് ഓൾ റൗണ്ടർ ബെൻ സ്റ്റോക്സ് കളിക്കില്ല. വ്യക്തിപരമായ കാരണങ്ങൾ മുൻനിർത്തിയാണ് സ്റ്റോക്സ് പരമ്പരയിൽ നിന്നും പിന്മാറിയിരിക്കുന്നത്. ഇംഗ്ലണ്ട് ക്രിക്കറ്റ് ബോർഡാണ് ഇക്കാര്യം ഔദ്യോഗികമായി അറിയിച്ചത്.
” ഈ ആഴ്ച ബെൻ സ്റ്റോക്സ് ഇംഗ്ലണ്ടിൽ നിന്നും ന്യൂസിലാൻഡിലേക്ക് തിരിക്കും. ഓഗസ്റ്റ് 13 ഉം ഓഗസ്റ്റ് 21 നും പാകിസ്ഥാനെതിരെ നടക്കാനിരിക്കുന്ന രണ്ട് ടെസ്റ്റ് മത്സരങ്ങൾ സ്റ്റോക്സിന് നഷ്ട്ടമാകും ” പ്രസ്താവനയിൽ ഇംഗ്ലണ്ട് ക്രിക്കറ്റ് ബോർഡ് വ്യക്തമാക്കി.
ന്യൂസിലാൻഡിലാണ് സ്റ്റോക്സിന്റെ അച്ഛനും അമ്മയും താമസിക്കുന്നത്.