CricKerala
Crickerala is a malayalam cricket news website. Malayalam cricket news, cricket news in malayalam

ആ രണ്ട് വലിയ പർവതങ്ങൾ കൂടി കയറാനുണ്ട് ; കരിയറിലെ ഇനിയുള്ള ലക്ഷ്യങ്ങളെ കുറിച്ച് സ്റ്റീവ് സ്മിത്ത്

കരിയറിലെ ഇനിയുള്ള തന്റെ ലക്ഷ്യങ്ങളെ കുറിച്ച് വെളിപ്പെടുത്തിയിരിക്കുകയാണ് ഓസ്‌ട്രേലിയൻ താരം സ്റ്റീവ് സ്മിത്ത്. ഇന്ത്യയിലും ഇംഗ്ലണ്ടിലും ടെസ്റ്റ് പരമ്പര നേടുക എന്നതാണ് തന്റെ ലക്ഷ്യമെന്ന് സ്റ്റീവ് സ്മിത്ത്. 2017 ൽ ഇന്ത്യൻ മണ്ണിൽ ടെസ്റ്റിൽ ഇന്ത്യയെ പരാജയപ്പെടുത്താനുള്ള അവസരമാണ് ഒരു വിജയം അകലെ ഓസ്‌ട്രേലിയയ്ക്ക് നഷ്ട്ടമായത്. ധർമശാലയിലെ നിർണായക മത്സരത്തിൽ ഓസ്‌ട്രേലിയ പരാജയപ്പെടുകയായിരുന്നു.

” ഇനി കയറാനുള്ള രണ്ട് വലിയ പർവതങ്ങളാണ് അവ, അത് ചെയ്യാൻ കഴിയുമെങ്കിൽ അത് വളരെ സവിശേഷമായിരിക്കും. എനിക്ക് അതിന് മറ്റൊരു അവസരം ലഭിക്കുമെന്ന് പ്രതീക്ഷിക്കുന്നു, എന്ത് സംഭവിക്കുമെന്ന് കാണാം. എനിക്ക് ഇപ്പോൾ കുറച്ച് പ്രായമായി ” സ്മിത്ത് ക്രിക്കറ്റ് ഡോട്ട് കോമിനോട് പറഞ്ഞു.

വിരാട് കോഹ്‌ലിയും കൂട്ടരും ഈ വർഷം അവസാനം ഓസ്‌ട്രേലിയ സന്ദർശിക്കുന്നുണ്ട്. ഈ വർഷത്തെ പ്രധാന പരമ്പരയും ക്രിക്കറ്റ് ആരാധകരും ആകാംക്ഷയോടെ കാത്തിരിക്കുന്ന ഒന്നാണത്. 4 മത്സരങ്ങൾ അടങ്ങിയ ടെസ്റ്റ് പരമ്പരയാണിത്. 2018 ടെസ്റ്റ് പരമ്പരയിൽ ഇല്ലാതിരുന്ന സ്റ്റീവ് സ്മിത്ത്, ഡേവിഡ് വാർണർ എത്തുന്നതോടെ ഇത്തവണ ഇന്ത്യയ്ക്ക് കാര്യങ്ങൾ എളുപ്പമായിരിക്കില്ല.

കഴിഞ്ഞ വർഷത്തെ ആഷസിനെക്കുറിച്ച് സംസാരിച്ച സ്മിത്ത് പറഞ്ഞു: “ഞങ്ങൾക്ക് ആഷസ് തിരികെ ലഭിച്ചത് വളരെ സവിശേഷമായിരുന്നു. നിർഭാഗ്യവശാൽ, ഞങ്ങൾക്ക് അവ നേടാനായില്ല, അത് ഞാൻ ഇപ്പോഴും ചെയ്യാൻ ആഗ്രഹിക്കുന്നു. സീരീസ് 2-2 സമനിലയിൽ കലാശിക്കുകയായിരുന്നു.