ടെസ്റ്റിൽ 150 വിക്കറ്റുകൾ പൂർത്തിയാക്കി ഇംഗ്ലണ്ട് ഓൾ റൗണ്ടർ ബെൻ സ്റ്റോക്സ്. ഇതോടെ ടെസ്റ്റ് ക്രിക്കറ്റ് ചരിത്രത്തിൽ 4000 റൺസും 150 വിക്കറ്റും നേടുന്ന ആറാമത്തെ താരമായി ബെൻ സ്റ്റോക്സ് മാറി.
തന്റെ 64 ആം മത്സരത്തിൽ ഈ നാഴികക്കല്ല് പിന്നിട്ട സ്റ്റോക്സ് വെസ്റ്റിൻഡീസ് ഇതിഹാസം ഗാർഫീൽഡ് സോബേഴ്സിന് ശേഷം ഏറ്റവും വേഗത്തിൽ ടെസ്റ്റിൽ 4,000 റൺസും 150 വിക്കറ്റും നേടുന്ന താരം കൂടിയാണ്.
സതാപ്ടണിൽ നടക്കുന്ന വെസ്റ്റിൻഡീസിനെതിരായ ടെസ്റ്റിലെ മൂന്നാം ദിനത്തിൽ അൽസാരി ജോസഫിനെ പുറത്താക്കിയാണ് ഈ റെക്കോർഡ് സ്റ്റോക്സ് സ്വന്തമാക്കിയത്.
ഇംഗ്ലണ്ട് ഇതിഹാസം ഇയാൻ ബോതം, ജാക്ക് കാലിസ്, കപിൽ ദേവ്, ഡാനിയേൽ വെട്ടോറി എന്നിവരാണ് സോബേഴ്സിനെയും സ്റ്റോക്സിനെയും കൂടാതെ ഈ നേട്ടം സ്വന്തമാക്കിയിട്ടുള്ളത്.
ടെസ്റ്റിൽ 4000 റൺസും 150 വിക്കറ്റും നേടിയിട്ടുള്ള ബാറ്റ്സ്മാന്മാർ
ഗാരി സോബേഴ്സ് – 63 മത്സരം
ബെൻ സ്റ്റോക്സ് – 64 മത്സരം
ഇയാൻ ബോതം – 69 മത്സരം
ജാക്ക് കാലിസ് – 69 മത്സരം
കപിൽ ദേവ് – 97 മത്സരം