യുവതാരങ്ങളെ പിന്തുണയ്ക്കുന്നതിൽ മുൻ ഇന്ത്യൻ ക്യാപ്റ്റന്മാരായ സൗരവ് ഗാംഗുലിയും എം എസ് ധോണിയും ഒരുപോലെയെന്ന് മുൻ ഇന്ത്യൻ ഫാസ്റ്റ് ബൗളർ സഹീർ ഖാൻ. കരിയറിന്റെ തുടക്കത്തിൽ കഴിയാവുന്ന അത്രയും പിന്തുണ യുവതാരങ്ങൾക്ക് ലഭിക്കണമെന്നും യൂട്യൂബ്‌ ചാറ്റ് ഷോയിൽ സഹീർ ഖാൻ പറഞ്ഞു.
” ഇരുവരും ( ധോണിയും ഗാംഗുലിയും) ഒരുപാട് കാലം ഇന്ത്യയെ നയിച്ചിട്ടുണ്ട്. എം എസ് ധോണി ടീമിലെത്തുമ്പോൾ അന്താരാഷ്ട്ര ക്രിക്കറ്റിൽ ഒരുപാട് പരിചയസമ്പത്തുള്ള താരങ്ങൾ ടീമിലുണ്ടായിരുന്നു. എന്നാൽ പിന്നീട് അവരൊക്കെ വിരമിച്ചുകഴിഞ്ഞ് യുവതാരങ്ങൾ ടീമിലെത്തുമ്പോൾ മുൻപ് ദാദ ചെയ്തതുപോലെ ധോണിയും യുവതാരങ്ങളെ പിന്തുണയ്ക്കാൻ തുടങ്ങി ” സഹീർ ഖാൻ പറഞ്ഞു.