തകർപ്പൻ പ്രകടനമാണ് ഇന്ത്യയ്ക്കെതിരായ വനിതാ ടി20 ലോകകപ്പ് ഫൈനലിൽ ഓസ്‌ട്രേലിയൻ വിക്കറ്റ് കീപ്പർ അലിസ ഹീലി കാഴ്ച്ചവെച്ചത്. 39 പന്തിൽ അഞ്ച് സിക്സും ഏഴ് ഫോറുമടക്കം 75 റൺസ് അടിച്ചുകൂട്ടിയാണ് ഹീലി പുറത്തായത്. ഈ പ്രകടനത്തിന്റെ പ്ലേയർ ഓഫ് ദി മാച്ച് പുരസ്‌കാരവും ഹീലിയെ തേടിയെത്തി.
( Picture Source : Twitter )
വെറും 30 പന്തിൽ നിന്നാണ് ഹീലി മത്സരത്തിൽ ഫിഫ്റ്റി പൂർത്തിയാക്കിയത്. ഇതോടെ ഐസിസി ടൂർണമെന്റ് ഫൈനലിൽ ഏറ്റവും വേഗത്തിൽ ഫിഫ്റ്റി നേടുന്ന താരമെന്ന റെക്കോർഡ് ഹീലി സ്വന്തമാക്കി. 2017 ൽ ഇംഗ്ലണ്ടിൽ നടന്ന ചാമ്പ്യൻസ് ട്രോഫി ഫൈനലിൽ പാകിസ്ഥാനെതിരെ 32 പന്തിൽ ഫിഫ്റ്റി നേടിയ ഇന്ത്യൻ ഓൾ റൗണ്ടർ ഹാർദിക് പാണ്ഡ്യയുടെ റെക്കോർഡാണ് ഹീലി തകർത്തത്.
( Picture Source : Twitter )
മത്സരത്തോടെ അന്താരാഷ്ട്ര ടി20യിൽ 2000 റൺസും അലിസ ഹീലി പൂർത്തിയാക്കി. ക്യാപ്റ്റൻ മേഗ് ലാന്നിങിന് ശേഷം അന്താരാഷ്ട്ര ടി20യിൽ 2000 റൺസ് പൂർത്തിയാക്കുന്ന ഓസ്‌ട്രേലിയൻ താരം കൂടിയാണ് ഹീലി.
( Picture Source : Twitter )