രണ്ടാം ടി20 മത്സരത്തിൽ ഇംഗ്ലണ്ട് മുന്നോട്ട് വെച്ച 205 റൺസ് എന്ന വിജയലക്ഷ്യം മറികടക്കാൻ ഇറങ്ങിയ സൗത്ത് ആഫ്രിക്കയ്ക്ക് മികച്ച തുടക്കമാണ് നായകൻ ഡീകോക്ക് നൽകിയത്. 17 പന്തിൽ നിന്ന് അർദ്ധ സെഞ്ചുറി പൂർത്തിയാക്കിയ ഡീകോക്ക് 22 പന്തിൽ 8 സിക്സും 2 ഫോറും സഹിതം 65 റൺസ് നേടി.
https://twitter.com/ESPNcricinfo/status/1228384481582747654?s=19
സൗത്ത് ആഫ്രിക്കയ്ക്ക് വേണ്ടി ടി20 ക്രിക്കറ്റിൽ അതിവേഗത്തിൽ അർദ്ധ സെഞ്ചുറി നേടുന്ന ബാറ്റ്സ്മാൻ എന്ന നേട്ടം ഇതോടെ ഡീകോക്കിന്റെ പേരിലായി. 2016 ൽ ജോഹന്നാസ്ബർഗിൽ വെച്ച് ഇംഗ്ലണ്ടിനെതിരെ ഡിവില്ലേഴ്സ് 21 പന്തിൽ നേടിയ അർദ്ധ സെഞ്ചുറിയാണ് പഴങ്കഥയായത്.
https://twitter.com/rimemberthename/status/1228553890091528193?s=19
ആവേശകരമായ രണ്ടാം ടി20 മത്സരത്തിനൊടുവിൽ ഇംഗ്ലണ്ട് 2 റൺസിനാണ് വിജയിച്ചത്. ആദ്യ മത്സരത്തിൽ സൗത്ത് ആഫ്രിക്ക ഒരു റൺസിനുമായിരുന്നു വിജയം സ്വന്തമാക്കിയത്. ശേഷിക്കുന്ന ഒരു മത്സരത്തിൽ വിജയിക്കുന്നവർക്ക് പരമ്പര നേടാം.
https://twitter.com/CricYess/status/1228410799728873472?s=19