CricKerala
Crickerala is a malayalam cricket news website. Malayalam cricket news, cricket news in malayalam

ഓപ്പണറായി ഇന്റർനാഷണൽ ക്രിക്കറ്റിൽ 10000 റൺസ് കടന്ന് രോഹിത്

ടി20 ക്രിക്കറ്റിലെ തുടർ പരാജയങ്ങൾക്ക് പിന്നാലെ ന്യുസിലാൻഡിനെതിരായ മൂന്നാം ടി20 അർദ്ധ സെഞ്ചുറിയുമായി രോഹിത്. 40 പന്തിൽ നിന്ന് 3 സിക്‌സും 6 ഫോറും ഉൾപ്പടെ 65 റൺസാണ് രോഹിത് ഹാമിൽട്ടണ് സ്റ്റേഡിയത്തിൽ അടിച്ചു കൂട്ടിയത്. ഇന്നത്തെ ഇന്നിങ്സോടെ അന്താരാഷ്ട്ര ക്രിക്കറ്റിൽ ഓപ്പണറായി രോഹിത് 10000 റൺസ് കടന്നു.

ഗവസ്‌കർ , സച്ചിൻ , സെവാഗ് എന്നിവർക്ക് ശേഷം അന്താരാഷ്ട്ര ക്രിക്കറ്റിൽ ഓപ്പണറായി 10000 റൺസ് നേടുന്ന ഇന്ത്യൻ താരമാണ് രോഹിത്. 219 ഇന്നിങ്സിൽ നിന്നാണ് ഈ നേട്ടം. സച്ചിൻ ശേഷം ഈ നേട്ടത്തിൽ അതിവേഗത്തിലെത്തിയ താരവും രോഹിതാണ്.