Skip to content

ക്യാപ്റ്റൻസിയിൽ വീണ്ടും റെക്കോർഡുമായി വിരാട് കോഹ്ലി ; പിന്നിലാക്കിയത് എം എസ് ധോണിയെ

ബംഗ്ലാദേശിനെതിരായ ടെസ്റ്റ് പരമ്പരയിലെ ആദ്യ മത്സരത്തിൽ നേടിയ തകർപ്പൻ വിജയത്തോടെ ഏറ്റവും ടെസ്റ്റ് മത്സരങ്ങളിൽ ഇന്നിങ്സ് വിജയം നേടുന്ന ഇന്ത്യൻ ക്യാപ്റ്റനെന്ന റെക്കോർഡ് സ്വന്തമാക്കി വിരാട് കോഹ്ലി. മത്സരത്തിൽ ഒരു ഇന്നിങ്സിനും 130 റൺസിനുമായിരുന്നു ടീം ഇന്ത്യ വിജയം നേടിയത്. കോഹ്ലിയുടെ ക്യാപ്റ്റൻസിയിൽ ഇത് പത്താം തവണയാണ് ഇന്ത്യ ഇന്നിങ്സ് വിജയം നേടുന്നത്.

ഒമ്പത് തവണ ഇന്ത്യയെ ഇന്നിങ്സ് വിജയത്തിലെത്തിച്ച മുൻ ക്യാപ്റ്റൻ എം എസ് ധോണിയെയാണ് വിരാട് കോഹ്ലി പിന്നിലാക്കിയത്.

എട്ടും ഏഴും മത്സരങ്ങളിൽ വീതം ടീമിനെ ഇന്നിങ്സ് വിജയത്തിലെത്തിച്ച മൊഹമ്മദ് അസറുദീനും സൗരവ് ഗാംഗുലിയുമാണ് കോഹ്ലിക്കും ധോണിയ്ക്കും പുറകിലുള്ളത്.