അന്താരാഷ്ട്ര ക്രിക്കറ്റിൽ ഏറ്റവും വേഗത്തിൽ 20,000 റൺസ് നേടുന്ന ബാറ്റ്സ്മാനെന്ന ചരിത്രനേട്ടത്തിൽ ഇന്ത്യൻ ക്യാപ്റ്റൻ വിരാട് കോഹ്ലി. വെസ്റ്റിൻഡീസിനെതിരായ മത്സരത്തിൽ 37 റൺസ് പിന്നിട്ടതോടെയാണ് ഈ ചരിത്രനേട്ടം കോഹ്ലിയെ തേടിയെത്തിയത്. 417 ഇന്നിങ്‌സിൽ നിന്നും 20000 റൺസ് പൂർത്തിയാക്കിയ കോഹ്ലി 453 ഇന്നിങ്‌സിൽ നിന്നും ഈ നേട്ടം സ്വന്തമാക്കിയ സാക്ഷാൽ സച്ചിൻ ടെണ്ടുൽക്കറിനെയും ബ്രയാൻ ലാറയെയും മറികടന്നാണ് ഏറ്റവും വേഗത്തിൽ അന്താരാഷ്ട്ര 20,000 റൺസ് നേടുന്ന ബാറ്റ്സ്മാനായി മാറിയത്.
അന്താരാഷ്ട്ര ക്രിക്കറ്റിൽ ഏറ്റവും വേഗത്തിൽ 20,000 റൺസ് നേടിയവർ
വിരാട് കോഹ്ലി – 417 ഇന്നിങ്സ്
സച്ചിൻ ടെണ്ടുൽക്കർ/ ബ്രയാൻ ലാറ – 453
റിക്കി പോണ്ടിങ് – 464 ഇന്നിങ്സ്
എ ബി ഡിവില്ലിയേഴ്സ് – 483 ഇന്നിങ്സ്
ജാക്ക് കാലിസ് – 491 ഇന്നിങ്സ്
രാഹുൽ ദ്രാവിഡ് – 492 ഇന്നിങ്സ്