ലോകകപ്പിനുള്ള ഇന്ത്യൻ ടീമിൽ നാലാം നമ്പർ ബാറ്റ്സ്മാനായി സഞ്ജു സാംസണെ ഉൾപ്പെടുത്തണമെന്ന് മുൻ ഇന്ത്യൻ താരം ഗൗതം ഗംഭീർ . സൺറൈസേഴ്‌സ് ഹൈദരാബാദിനെതിരെ സഞ്ജു തകർപ്പൻ സെഞ്ചുറി നേടിയതിന് പുറകെയാണ് ഗൗതം ഗംഭീർ തന്റെ അഭിപ്രായം ട്വിറ്ററിലൂടെ അറിയിച്ചത് .
” സഞ്ജു നിലവിലെ ഏറ്റവും മികച്ച ബാറ്റ്സ്മാനാണ് എന്നെ സംബന്ധിച്ച് ലോകകപ്പിൽ നാലാം നമ്പർ ബാറ്റ്സ്മാനായി വേണ്ടത് സഞ്ജുവാണ് ” ട്വിറ്ററിൽ ഗൗതം ഗംഭീർ കുറിച്ചു.
53 പന്തിൽ നിന്നാണ് സഞ്ജു മത്സരത്തിൽ സെഞ്ചുറി നേടിയത്. മത്സരത്തിൽ 55 പന്തിൽ നിന്നും 102 റൺസ് നേടി പുറത്താകാതെ നിന്ന സഞ്ജു 10 ഫോറും നാല് സിക്സും അടിച്ചുകൂട്ടി. ഐ പി എല്ലിലെ സഞ്ജുവിന്റെ രണ്ടാം സെഞ്ചുറി കൂടിയാണിത് .
I normally don’t like to talk about individuals in cricket. But seeing his skills I am glad to note that Sanju Samson is currently the best Wicketkeeper batsman in India. For me he should be batting number 4 in the World Cup @BCCI @rajasthanroyals @IPL @StarSportsIndia
— Gautam Gambhir (@GautamGambhir) March 29, 2019